Блог статистикасы
195
Жазбалар
5034
Өтініштер
203551
Келушілер
Облыстық Басқармалар
(жергілікті бюджеттен қаржыландырылатын)
Областные управления и департаменты
(финансируемые из республиканского бюджета)

новости Федоровский район

01-28-2020
Банкрот деп танылған «Болашақ А» ЖШС мүлкін сату.

Қостанай облысының МАЭС 27.09.2017 жылғы шешімімен «Болашақ А» ЖШС банкрот деп танылды. Борышкердің мынадай мүлкі бар: 1. Жер учаскесі көлемі 0,5474 га, кадастрлық нөмірі 12:188:012:426, бөлінетін, №124 балабақшаның ғимаратына қызмет көрсету үшін және онда орналасқан №124 балабақшаның ғимаратының жалпы ауданы 1113,2 ш. м., 1972 ж. т.; Қостанай облысы, Әулиекөл ауданы, Құшмұрын кенті, Спортивная көшесі, 3В үй мекенжайы бойынша орналасқан жалпы алаңы 64 ш.м., 1972 ж. т. қойма. 2. УАЗ 31512 автокөлігі, 1993 ж. ш., мем. нөмірі P713BD. 3. тауар-материалдық құндылықтар (қосалқы бөлшектер мен материалдар). Бағалау бойынша жер учаскесінің жалпы құны 8 590 мың теңгені, автокөлік – 333 мың теңгені, ТМҚ – 11 473 мың теңгені құрайды. Сауда-саттық www.gosreestr.kz, сайтында электрондық аукцион әдісімен немесе тікелей сату әдісімен өткізіледі. Банкроттық басқарушының байланыс деректері: Айгуль Кайргельдиновна Мустафина, мекенжайы: Қостанай облысы, Қостанай қаласы, Чехов көшесі, 171 үй, СҮЖ, анықтама телефондары+7 (7142) 393-150, +7701-780-70-67.

01-28-2020
Банкрот деп танылған «Улан» ЖШС мүлкін сату

Қостанай облысы бойынша Мемлекеттік кірістер департаменті «Улан» ЖШС 2018 жылғы 30 қазандағы Қостанай облысы МАЭС шешімімен банкрот деп танылғанын хабарлайды. Борышкердің мынадай мүлкі бар: 1. Қостанай қ., Карбышев к-сі, 2/1 мекенжайы бойынша орналасқан ғимараты және құрылысы бар, кадастрлық нөмірі 12-193-015-033, алаңы 0,55 га жер учаскесі; 2. Қостанай қ., Карбышев к-сі, 2А мекен-жайы бойынша орналасқан, онда орналасқан ғимараты және құрылысы бар, кадастрлық нөмірі 12-193-015-283, ауданы 0,8586 га жер учаскесі. 3. Автокөлік құралы Mercedes 1114, мем.нөмірі 674AD10, 1986 ж. ш. (манипулятор). Бағалауға сәйкес, ғимараттар мен құрылыстардың жалпы құны 183 197 мың теңгені, автокөлік құралы – 6 507,5 мың теңгені құрайды. Сауда-саттық www.gosreestr.kz сайтында электрондық аукцион әдісімен немесе тікелей сату әдісімен өткізіледі. Банкроттық басқарушының байланыс деректері: Серик Александрович Мусин, мекенжайы: Қостанай облысы, Қостанай қаласы, Әл-Фараби көшесі, 115 үй, 19 кеңсе, анықтама үшін телефон +7777-900-75-93.

"IT Skills" Ақпараттық технологиялар фестивалінің қорытындысы
01-28-2020

2020 жылдың 25-26 қаңтарында "Цифрлық Қазақстан" мемлекеттік бағдарламасын жүзеге асыру аясында "Озат "Ақпараттық технологиялар мамандандырылған мектеп – лицей – интернаты" КММ базасында "IT Skills"облыстық ақпараттық технологиялар фестивалі өтті. Фестивальға 15 аудан қатысты: 57 қатысушы (14 команда: 15 жетекші, 42 оқушы). Федоров ауданының өңірлік командасы "М.Мәметова атындағы № 4 орта мектебі" КММ оқушыларынан құрылды: Рец Артем, Юсупов Даниярбек, Штельваг Александр және информатика мұғалімі Вишневский Валерий Владимирович. Салтанатты ашылудан кейін фестиваль қатысушыларына "Қостанай Дарыны" ғылыми-практикалық орталығы директорының орынбасары Н. М. Рябинина құттықтау сөз сөйледі, команда үш бағыттағы бейінді сыныптардың жұмысына қосылды: "Web - дизайн және өңдеу", "Робототехника және бағдарламалау", "Графикалық дизайн және бейнемонтаж". Осы күні командаға шығармашылық жобалар дайындау керек болды: сағат 19.00 - ге дейін "IT Skills "ақпараттық технологиялардың креативті фото фестивалін құру, инстаграммға орналастыру, мүмкіндігінше көбірек лайктарды жинау; сағат 19.00-ден бастап "IT Skills" Web - квестіне қатысу: келесі күні таңғы сағат 9.00 – ге дейін "Озат" мектебінің аумағында QR-кодтарын тауып, мүмкіндігінше бәрінен бұрын кодталған викторинаның сұрақтарына жауап беру қажет болды. "IT Skills" - 2020 Ақпараттық технологиялар фестивалінің қорытындысы бойынша Федоров ауданының командасы 1 орынға ие болды. Барлық қатысушылар фестиваль ұйымдастырушыларының атынан "IT Skills" логотипі бар естелік магниткалар мен брелкаларды, грамоталар мен қатысу сертификаттарын сыйлыққа алды. Алтын жүлдегерлерді марапаттаудың демеушілері болып тіл мектебі және Step бағдарламалау мектебі жеңімпаздарға естелік рюкзактар сыйлап шықты. Фестивальдің жабылу салтанатында Қостанай облысы әкімдігі білім басқармасы басшысының орынбасары Айтмағамбетов Ермек Жылгелдэнұлы құттықтады. Федоров ауданының командасын облыстық фестивальдағы жеңісімен құттықтаймыз және денсаулық, шығармашылық табыс және амандық тілейміз! Н.Шестак

Пешков ауылдық округі әкімінің есеп беру кездесуі
01-24-2020

22 қаңтар күні сағат 15.00-де аудан әкімі Т. К. Исабаевтың қатысуымен Пешков ауылының Пешков ауылдық округінің тұрғындарымен, округ әкімі А. Қ. Ержановтың есептік кездесуі өтті. А. Қ. Ержанов өз есебінде округтің әлеуметтік-экономикалық даму саласында жүргізілген жұмыстар туралы, атап айтқанда, Пешков ауылының көшелерін жарықтандыру, округта балаларға арналған алаңдарын жайластыру, зират аумағын кеңейту туралы баяндады. Жиында міндетті әлеуметтік медициналық сақтандыруды енгізу туралы және атаулы әлеуметтік көмек (АӘК) көрсетудегі өзгерістер туралы мәселелерді түсіндірді. Округ тұрғындары Пешков ауылындағы Алтынсарин көшесін жарықтандыру, округ жолдарын орташа жөндеу, бюджеттік ұйымдардың қызметкерлерінің медициналық тексеруден өтуін , мүмкіндіктері шектеулі тұлғалардың МРТ және КТ өтуі ақы төлеу және Пешков дәрігерлік амбулаториясында медицина қызметкердің қосымша бірлігін беру туралы сұрақтар қойды. Округ тұрғындарының қойған сұрақтары бойынша аудан әкімі Т.Қ.Исабаев мемлекеттік мекемелердің басшыларына көтерген мәселелерді заң жүзінде шешу жолдарын қарастыру туралы тапсырма берді.

Республикалық акция "Қауіпсіз мектеп автобусы»
01-24-2020

2020 жылдың 15 қаңтарында "Костряков орта мектебі" КММ "Қауіпсіз мектеп автобусы үшін" деген ұранмен "Қауіпсіз мектеп автобусы" атты республикалық акция басталды.- Акцияның мақсаты: оқушыларды оқу орындарына тасымалдауды ұйымдастыру кезінде жол қозғалысы қауіпсіздігін қамтамасыз ету, балаларды мектеп автобусымен тасымалдауды жүзеге асыру кезінде жол-көлік оқиғаларының алдын алу. Акция аясында келесі жұмыстар жүргізілуде: - автотраспортты автокөлікке қойылатын техникалық талаптарға сәйкестігін қарау. - мектепке баратын жолдардың қауіпсіздігін ұйымдастыру. - балаларды тасымалдайтын көлік құралында (автобус) арнайы жарық (жарқылдауық маяктарын) және дыбыс сигналдарын тексеру; - мектепке кіретін жолдарға, жаяу жүргіншілер өткелдеріне қолданыстағы бейнебақылау камераларының болуы; - жол қозғалысы қауіпсіздігін қамтамасыз ету және ЖҚЕ бұзушылыққа жол бермеу тақырыбына мектеп автобустарының жүргізушілерімен нұсқаулық жүргізу.

Заңды тұлғалар үшін ЭЦҚ алу
01-24-2020

ЭЦҚ (электрондық цифрлық қолтаңба) – бұл электрондық құжатқа қолы қойылған және мөрмен бекітілген қағаз жеткізгіштегі құжат сияқты заң күшін беру үшін пайдаланылатын өзі қойған қолының аналогы. ЭЦҚ алуға өтінімді ҚР ҰКО сайтының арнайы бөлімі арқылы онлайн режимінде беруге болады. Өтінімді қауіпсіздік мақсатында дербес компьютерден беру ұсынылады. Ең алдымен pki.gov.kz сайтындағы «Заңды тұлғалар үшін ЭЦҚ алу» бөліміне кіресіз. Одан кейін мәртебеңізді көрсете отырып қажетті ҚР ҰКО тіркеу куәліктерінің үлгісін таңдауыңыз қажет. (Ол мекеменің бірінші басшысы, қол қою құқығы бар жұмыскер немесе қаржылық құжаттарға қол қою құқығы бар қызметкер және т.б. болуы мүмкін). Онлайн-өтінімді бергеннен кейін сізге оны растау үшін ХҚО-ға бару қажет. Өзіңізбен бірге жеке куәлігіңіз, уәкілетті тұлғаның растайтын құжаттары мен басып шығарылған өтінім болуы қажет. Тексергеннен кейін оператор растауды жасайды және сіз ЭЦҚ өз компьютеріңізге жүктеп, оған өз пароліңізді орната аласыз. Міне, енді сіз электрондық үкімет порталымен жұмысты бастай аласыз. ЭЦҚ пайдалана отырып заңды тұлғалар келесідей артықшылықтарға қол жеткізбек: •Электрондық сауда-саттыққа қатысу; •Жеке қатысуынсыз банктік операцияларды орындау; •Жеке қатысуынсыз электронды есептерді тапсыру; •Компанияны қашықтықтан басқару және т.б. ЭЦҚ-ны түрлі ақпарат жеткізгіштерінде сақтауға болады, бірақ бұл ретте ол бөтен қолға түспеуін жауапкершілікпен қадағалау қажет. ЭЦҚ-ның қолданыс мерзімі 1 жыл, бірақ пайдаланушы оны электронды порталда мерзімі өтіп кетпей тұрып тағы бір жылға ұзарта алады.

қатысуымен Федоров ауылдық округінің әкімі В. Г. Воробкалоның округ...
01-23-2020

Бүгін, 22 қаңтар күні сағат 11.00-де Федоров ауылында аудандық "Жастар" мәдениет үйінде аудан әкімі Т. К. Исабаевтың және ауданның мемлекеттік мекемелері басшыларының қатысуымен Федоров ауылдық округінің әкімі В. Г. Воробкалоның округ тұрғындарымен есептік кездесуі өтті. Өз есебінде ауылдық округінің әкімі В. Г. Воробкало округтің әлеуметтік-экономикалық дамуы саласында жүргізілген жұмыстар туралы, атап айтқанда, 1-кезең тәртібінде 144 абонентті газбен қамтамасыз етуге қосу, 24 пәтерлі тұрғын үй құрылысы, "Ауыл-Ел бесігі" бағдарламасы аясында Федоров ауылының жолдары мен әлеуметтік нысандарын жөндеу, ұзындығы 3,6 км көше жарығын жүргізу туралы баяндады. Жиында мемлекеттік мекемелердің басшылары міндетті әлеуметтік медициналық сақтандыруды енгізу туралы және атаулы әлеуметтік көмек (АӘК) көрсетудегі өзгерістер туралы мәселелерді түсіндірді. Округ тұрғындары тегін дәрі-дәрмек құралдарының толық көлемде болмауы, Федоров ауылының жолдарын қысқы ұстау, Федоров ауыл шаруашылық колледжінің ғимаратын жөндеуге қатысты сұрақтар қойды. Александррополь ауылында бастауыш мектеп базасында шағын орталық ашу, Федоров ауылында су бұру каналының құрылысы. Сондай-ақ, округ тұрғындарының бірі ауылдық округтерінің Федоров, Жаркөл және Приозерное 3 ауылын Федоров ауылына біріктіруді ұсынды. Барлық сұрақтарға түсініктеме берілді. Есепті кездесуді Федоров ауданының әкімі Т. Қ. Исабаев қорытындылады.

хат жіберу